Grisehovudet er som regel delt i to når du kjøper det hos slaktar eller i butikk. Be om at det blir delt i yttelegare to deler, for å få plass til hovudet i gryta. Be også om at hjernen blir fjerna.

Legg det i kaldt vatn over natta, slik at blodrester blir løyste opp. Byt vatn ein gong eller to.

Ta hovudet ut av vatnet, skrubb det med ein kost. Skrubb tenner og nase litt ekstra.

Legg hovudet i gryta i kaldt vatn, slik at vatnet dekker hovudet godt. Salt vatnet med to teskjeier salt per liter vatn, skjær løken i skiver og ha den i gryta saman med laurbærblad og peparkorn.

La hovudet koke opp, og la det deretter småkoke i 1,5 time.

Ta ei stor tøyfille av kvitt bomullsstoff og kok ho opp, skyl den litt i kaldt vatn, og legg den deretter i ei bolle, slik at den dekker botn og kantane mens det overskytande blir bretta over kanten.

Bland nellik, allehånde, pepar og gelantivpulver på ein tallerken. I tillegg trengs to teskjeier salt, som ikkje skal blandast med krydderet på føre- hand.

Nå skal hovudet ut av gryta, dei minste delane først. Ta ein del om gangen og legg han på ei store skjærefjøl.

Skjær først av svoren, og legg den i botn på bolla med lakenstoffet. Bruk skarp kniv. Når sylta er ferdig, skal svor dekka mesteparten av yttersidene. Det er difor viktig å spara på svoren og leggja den i botn, rundt kantane og på toppen.

Skjer kjøt og flesk i skiver og legg det lagvis med krydder og salt mellom. Det vanskelege er å velja ut det kjøtet og flesket som skal med i sylta.

Som ein hovudregel kan to tredjedeler av hovudet kastast. Det er berre dei beste delene som blir brukt. Svoren rundt nasen og kjeften blir ikkje brukt. Det er mest å bruka bakerst på hovudet.

Både brunt og kvitt kjøt pluss flesk og svor skal brukast. Fettslinser og eklar blir kassert.

Når svoren er lagt på plass på toppen, skal kledet syast saman, slik at det stramer godt rundt sylta. Deretter bindes det ein tau rundt kvar ende av tøyet, før sylta blir surra med bommulstråd nokre gongar, slik at den blir fast og fin.

Sylta blir nå lagt tilbake i krafta i gryta og kokt i 15-20 minutt. Deretter blir den tatt ut og lagt i press over nata.

I mangel av syltepresse går det fint å leggja sylta i eit fat med ei skjærfjøl oppå. På toppen plasserast ei gryte med vatn for å få nok press, 2-3 liter er nok.

Sylta skal liggja i press over natta, og deretter skal den leggjast i saltlake ei veke.

Saltlaken blir laga ved å koka opp vatn (for eksempel 5 liter) med 225 gram salt per liter vatn. Laken må vera kald før sylta blir lagt i, og må difor lagast før sylta.

Etter ei veke er sylta ferdig. Ta den opp og skjer av nokre skiver, som kan lagrast i kjøleskapet med bommullsstoffet rundt. Det hindrar uttørking. Resten av sylta, nå uten klede, kan leggjst tilbake i saltlaken og oppbevarast der i fleire veker. Sylta kan også frysast.